انصار: (د لیندۍ ۱۱ مه)، ټاکل شوې ده چې د کرکټ تر نولس کلونو د کشرو لوبډلو د اسیايي جام سیالیو په دوام کې نن د افغانستان تر نولس کلونو کشره لوبډله د سریلانکا په وړاندې میدان ته ووځي.
د افغانستان تر نولس کلونو کشرې لوبډلې د روان اسیايي جام لومړۍ سیالي پر بنګله دېش وبایلله. خو د سریلانکا تر نولس کلونو کشرې لوبډلې لومړۍ مسابقه له نیپال څخه په ۵۵ منډو ګټلې ده.
د افغانستان او سریلانکا تر سیالۍ مخکې به د بنګله دېش او نیپال لوبډلې مخامخ شي.
افغانستان، بنګله دېش، سریلانکا او نیپال د اسیا جام د نولس کلونو جام په بي ګروپ کې سره یوځای دي.
پرون په اې ګروپ کې، چې هند، پاکستان، متحده عربي امارات او جاپان یوځای دي، پاکستان هند ته ماته ورکړه.
URL تعقيب: https://www.ansarpress.com/pashto/34623
قرأ
